ಯಾರ್ಯಾರ ನೆನೆಯಲಿ | ಕನ್ನಡ ಜಾನಪದ ಗೀತೆಗಳು #2

ಯಾರ್ಯಾರ ನೆನೆಯಲಿ | ಕನ್ನಡ ಜಾನಪದ ಗೀತೆಗಳು #2 [Belagagi Naneddu Yaryara Neneyali Lyrics In Kannada] 

ಏಳುತಾಲೇ ಎದ್ದು ಯಾರ್ಯಾರ ನೆನೆಯಲಿ

ಎಳ್ಳು ಜೀರಿಗೆ ಬೆಳೆಯೋಳಾ | ಭೂಮಿತಾಯ

ಎದ್ದೊಂದು ಗಳಿಗೆ ನೆನದೇನು

ಹೊತ್ತನಂತೆ ಎದ್ದು ಯಾರ್ಯಾರ ನೆನೆದೇನು

ಕಲ್ಲು ಕಾವೇರಿ ಕಪನೀಯ | ನೆನೆದಾರೆ

ಮೈಲಿದ್ದ ಪಾಪ ಪರಿಹಾರ

ಎದ್ದೇನೆ ನೆನೆವೇನು ಸಿದ್ದೂರ ಯೋಗಿಯ

ಮದ್ದೂರು ಕೆರೆಯ ಬಸವಾನ | ನೆನೆದರೆ

ಹೊತ್ತಿದ್ದ ಪಾಪ ಪರಿಹಾರ

ಏಳುವಾಗ ನೆನೆವೇನು ಭಾಳಲೋಚನದವನ

ಜೋಳಿಗೆ ಹೊನ್ನ ಮಳೆಗರೆದ 1 ಕೈಲಾಸ್ದ

ದೇವ ಮಲ್ಲಯನ ನೆನೆವೇನು

ಮೂಡಲ ಮುತ್ತಯ್ಯ ನೋಡಯ್ಯ ಬಡತನ

ಮೂಡ್ಲಲ್ಲಿ ರಾಗಿ ಮೆಳೆಯುದ್ದ | ಬೆಳೆದರೆ.

ಮಾಡಿದೆ ನಿನಗೆ ಹರಿಸೇವೆ

ನಾರಾಯಣ ನಿನ್ನ ನಾಮದ ಬೀಜವ

ನಾನೊಲ್ಲಿ ಬಿತ್ತಿ ಬೆಳೆಯಲಿ | ನಿನ ನಾಮ

ನಾಲೀಗೆ ಮೇಲೆ ಬೆಳೆದೇನೋ