ಲೋಕೇಶ್ ಕನಕರಾಜ್ - ರಜನಿಕಾಂತ್ ಚಿತ್ರದಲ್ಲಿ ಅಮೀರ್ ಖಾನ್ ?

ಲೋಕೇಶ್ ಕನಕರಾಜ್ - ರಜನಿಕಾಂತ್ ಚಿತ್ರದಲ್ಲಿ ಅಮೀರ್ ಖಾನ್ ? | Aamir Khan guest role in Lokesh Kanagaraj-Rajnikanth's Coolie?

ಬಾಲಿವುಡ್ ಸೂಪರ್‌ಸ್ಟಾರ್ ಅಮೀರ್ ಖಾನ್ ಶೀಘ್ರದಲ್ಲೇ ಲೋಕೇಶ್ ಕನಕರಾಜ್ ಅವರ ಸಿನೆಮ್ಯಾಟಿಕ್ ಯೂನಿವರ್ಸ್‌ಗೆ [Lokesh Cinematic Universe] ಪಾದಾರ್ಪಣೆ ಮಾಡಲಿದ್ದಾರೆ ಎಂಬ ಸುದ್ದಿ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ.  ಚಿತ್ರರಂಗದ ಇಬ್ಬರು ದಿಗ್ಗಜರ ನಡುವಿನ ಮಹತ್ವದ ಸಹಯೋಗವನ್ನು ಗುರುತಿಸುವ ಈ ಯೋಜನೆಗಾಗಿ ಅವರು ರಜನಿಕಾಂತ್ ಅವರೊಂದಿಗೆ ಕೈಜೋಡಿಸುತ್ತಾರೆ ಎಂದು ವರದಿಗಳು ಸೂಚಿಸುತ್ತವೆ. ಅಮೀರ್ ಖಾನ್ ಅವರು ಲೋಕೇಶ್ ಕನಕರಾಜ್ ನಿರ್ದೇಶಿಸುತ್ತಿರುವ ರಜನಿಕಾಂತ್ ಅವರ ಮುಂಬರುವ ಚಿತ್ರವಾದ ಕೂಲಿ ಚಿತ್ರದಲ್ಲಿ ನಟಿಸುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ. 

ಒಂದು ವೇಳೆ ಈ ಸುದ್ದಿ ನಿಜವಾದರೆ ಅಮೀರ್ ಮತ್ತು ರಜನಿಕಾಂತ್ ಅವರು ಜೊತೆಯಾಗಿ ನಟಿಸುವ ಎರಡನೇ ಚಿತ್ರವಾಗುತ್ತದೆ. ಈ ಹಿಂದೆ 1995 ರ ಹಿಂದಿ ಚಲನಚಿತ್ರ 'ಆತಂಕ್ ಹಿ ಆತಂಕ್ ' [Aatank Hi Aatank] ನಲ್ಲಿ ಇಬ್ಬರು  ಒಟ್ಟಿಗೆ ಕೆಲಸ ಮಾಡಿದ್ದರು.  

ಅಮೀರ್ ಖಾನ್ [Aamir Khan] ಅವರು ತಮ್ಮ ಮುಂದಿನ ಚಿತ್ರವಾದ ಸಿತಾರೆ ಜಮೀನ್ ಪರ್ [Sitaare Zameen Par] ಕೆಲಸದಲ್ಲಿ ಈಗ ಬ್ಯುಸಿ ಆಗಿದ್ದಾರೆ. ಸಿತಾರೆ ಜಮೀನ್ ಪರ್ ಸ್ಪ್ಯಾನಿಷ್ ಚಲನಚಿತ್ರ ಚಾಂಪಿಯನ್ಸ್‌ನ [Champions] ರಿಮೇಕ್ ಆಗಿದ್ದು, 2007 ರ ಹಿಟ್ ಚಿತ್ರವಾದ್  ತಾರೆ ಜಮೀನ್ ಪರ್ [Taare Zameen Par] ಚಿತ್ರದ spiritual sequel ಎಂದು ಹೇಳಲಾಗುತ್ತಿದೆ.  ಸಿತಾರೆ ಜಮೀನ್ ಪರ್ ಚಿತ್ರದಲ್ಲಿ ಅಮಿರ್ ಖಾನ್ ಅವರೊಂದಿಗೆ  ಜೆನಿಲಿಯಾ ದೇಶ್ಮುಖ್ ಮತ್ತು ದರ್ಶೀಲ್ ಸಫಾರಿ ಕೂಡ ನಟಿಸಿದ್ದಾರೆ. 2013 ರ ತಮಿಳು ರೋಮ್ಯಾಂಟಿಕ್ ಹಾಸ್ಯ  ಚಿತ್ರ 'ಕಲ್ಯಾಣ ಸಮಯಲ್ ಸಾದಂ' ನಿರ್ದೇಶಿಸಿದ  ಆರ್ ಎಸ್ ಪ್ರಸನ್ನ 'ಸಿತಾರೆ ಜಮೀನ್ ಪರ್' ಚಿತ್ರವನ್ನು ನಿರ್ದೇಶಿಸಿದ್ದಾರೆ.

2022 ರಲ್ಲಿ ಅದ್ವೈತ್ ಚಂದನ್ ನಿರ್ದೇಶಿಸಿದ ಹಾಸ್ಯ-ನಾಟಕ ಲಾಲ್ ಸಿಂಗ್ ಚಡ್ಡಾದಲ್ಲಿ ಅಮೀರ್ ಕೊನೆಯ ಬಾರಿಗೆ ತೆರೆಯಲ್ಲಿ ಕಾಣಿಸಿಕೊಂಡರು. ಈ ಚಿತ್ರವು 1994 ರ ಅಮೇರಿಕನ್ ಕ್ಲಾಸಿಕ್ ಫಾರೆಸ್ಟ್ ಗಂಪ್‌ನ ರೀಮೇಕ್ ಆಗಿದೆ. ಇದರಲ್ಲಿ ಅಮೀರ್, ಕರೀನಾ ಕಪೂರ್ ಖಾನ್, ನಾಗ ಚೈತನ್ಯ ಮತ್ತು ಮೋನಾ ಸಿಂಗ್ ಇತರರು ನಟಿಸಿದ್ದರು. 

ನಿರ್ದೇಶಕ ಲೋಕೇಶ್ ಕನಕರಾಜ್ ಕೈದಿ, ವಿಕ್ರಮ್, ಲಿಯೋ, ಮತ್ತು ಮಾಸ್ಟರ್‌ನಂತಹ ಚಿತ್ರಗಳ ಮೂಲಕ ಪ್ರೇಕ್ಷಕರ ಗಮನ ಸೆಳೆದು , ತನ್ನದೇ ಸಿನೆಮ್ಯಾಟಿಕ್ ಯೂನಿವರ್ಸ್‌ ಸೃಷ್ಟಿಸುವ ಮೂಲಕ ಸಿನಿ ಪ್ರೇಕ್ಷಕರ ನಿರೀಕ್ಷೆಯನ್ನು ಹೆಚ್ಚಿಸಿರುವ ಲೋಕೇಶ್ ಭಾರತ ಚಿತ್ರರಂಗದ ದಿಗ್ಗಜರನ್ನೆಲಾ ತಮ್ಮ ಚಿತ್ರಗಳಲ್ಲಿ ಭಾಗಿಯಾಗಿಸುವ ಮೂಲಕ ಹೊಸ ಅನುಭವವನ್ನು ನೀಡುತ್ತಿದ್ದಾರೆ. 

ಕಮಲ್ ಹಾಸನ್, ವಿಜಯ್, ಸೂರ್ಯ, ಕಾರ್ತಿ, ವಿಜಯ್ ಸೇತುಪತಿ, ಫಹಾದ್ ಫಾಸಿಲ್, ನರೇನ್, ಸಂಜಯ್ ದುತ್ತ್, ಅರ್ಜುನ್ ಸರ್ಜಾ, ಮುಂತಾದ ಬಹು ಭಾಷ ನಟರನ್ನು ತಮ್ಮ ಚಿತ್ರದಲ್ಲಿ ಬಳಸುತ್ತಿರುವ ಲೋಕೇಶ್ ಚಿತ್ರದಲ್ಲಿ ಆಮಿರ್ ಭಾಗಿಯಾದರೆ, ಖಂಡಿತ ಅದು ಸಿನಿ ರಸಿಕರಿಗೆ ಒಂದು ದೊಡ್ಡ ಟ್ರೀಟ್ ಆಗಲಿದೆ. ಇದ್ರಲ್ಲಿ ಇನ್ನೊಂದು ಸಂತೋಷದ ಸಂಗತಿ ಎಂದರೆ, ಕೂಲಿ ಚಿತ್ರದಲ್ಲಿ ನಮ್ಮ ಉಪೇಂದ್ರ ಅವರು ಒಂದು ಪಾತ್ರವನ್ನು ಮಾಡಿದ್ದಾರೆ ಎಂಬುದು.