ಮಲ್ಲಿಗೆ ಹೂವ್ಹ್ನಾಗೆ | ಕನ್ನಡ ಜಾನಪದ ಭಕ್ತಿ ಗೀತೆಗಳು #6

ಮಲ್ಲಿಗೆ ಹೂವ್ಹ್ನಾಗೆ | ಕನ್ನಡ ಜಾನಪದ ಭಕ್ತಿ ಗೀತೆಗಳು #6 [Mallige Hoovage Kannada Janapada Song Lyrics]

ಮಲ್ಲಿಗೆ ಹೂವ್ಹ್ನಾಗೆ ಚೆಲ್ಲುವೋ ನಿನ್ ಪರಸೇ 

ಚೆಲ್ಲಾಟಗಾರ ಮಾದಪ್ಪ । ನಿನ್ವರಸೆ 

ಕಲ್ಪತ್ತಿ ಕಣಿವೆ ಇಳಿದಾವು

ತುಪ್ಪ ಕಾಸಿವ್ನಿ ಹರಿವಾಣ ಬೆಳಗಿವ್ನಿ 

ಕಿತ್ತಲೆ ಹಣ್ಣು ಎಡದಿವ್ನಿ । ಮಾದಪ್ಪ

ಅತ್ತಾಡಿ ಬರುವ ಪರಸೇಗೆ

ಸರ್ಪನಾ ದಾರೀಲಿ ಸಂಜೇನು ನಾ ಬಳಸಿ

ನೆಪ್ಪಿಲ್ಲ ಮಲೆಗೆ ಬರಬಹುದೆ । ಏಳು ಮಲೆ

ನೆಪ್ಪು ತೊರ್ಯಾವೋ ಹುಲಿ ಕರಡಿ

ಪರಸೆ ಬರುತಾದೆಂದು ಸರಸದೇಳು ಮಲೆಗೆ

ಅರಿಸಿನದ್ದುಡಿಯಂತ ಕೆಂಧೂಳು । ತುಳಕೊಂಡು

ಪರಸೆ ನಡೆದವು ಏಳ್ಳಲೆಗೆ

ಕರಡೀನ  ಕಲ್ಮಾಡಿ ಹುಲಿಯನ್ ಹುತ್ತಾ  ಮಾಡಿ

ಮಡಗಿದ್ದ ಬೆತ್ತ ಮರೆಮಾಡಿ । ಮಾದೇವ

ಹೊರಟಾನೋ ಜೇನು ಮಲೆಗಾಗಿ

ಹಣ್ಣು ಕಾಯಿ ಪೂಜೆ ಚೆನ್ನಾದ ಹುಲಿಯವನೆ

ಬರಲಾರೆ ನಿಮ್ಮ ಏಲ್ಮಲೆಗೆ । ಮಾದೇವ

ಒಪ್ಪಿಸಿಕೊಳ್ಳಿ ಹರಕೀಯ

ಹರಕೀಯ ಒಪ್ಪುವಾರೆ ಚಿಕ್ಕವನ ಮಗಳಲ್ಲ

ಬಳಸಿ ಬಾರವ್ವ ಪ್ರಾಕಾರ । ಬರದಿದ್ರೆ

ಮಾದೇವ ನಿನಗೆ ಮುನಿಯೂವ 

ಕಂಭದ ಬೋರೇಲಿ ನಿಂದು ನೋಡುವಳಾರ

ಕುಂಭಿ ದೋತ್ರಾದ ಕರಿಚೆಲುವೆ । ಮಾದೇವ

ನಿಂದು ನೋಡೀಯ ಪರಸೇಯ

ಗಂಡುಗಲ್ಲಿನ ಮೇಲೆ ಗಂಡುಲಿಯ ಕುಂಡಿರಿಸಿ

ಗೊಂಡೆ ಕೌದಿ ಬಿಗಿಮಾಡಿ  । ಮಾದೇವ

ಗಂಡುಲಿಯ ಮೇಲೆ ಮೆರೆದಾನೊ

ಓಣಿ ಓಣಿಗುಂಟ ಓಣೀಯ ಕರೆಗುಂಟ

ಚೇಣಿಯ ಹುಲ್ಲ ತುಳಕೊಂಡು । ಮಾದೇವ

ಈದ್ಗುಲಿಯ ಬೇಟೆ ಹೊರಟಾನೊ

ಅಪ್ಪ ಮಾದಯ್ಯನ  ಗುಡಿಯ ಬಾಗಿಲ ಮುಂದೆ

ಎಪ್ಪತ್ತೇಳು ಕವಲು ಮರ ಹುಟ್ಟಿ । ಮಾದೇವ

ತುಪ್ಪ ಮಾರೋರಿಗೆ ನೆರಳಾದೋ

ಅಪ್ಪ ಮಾದಯ್ಯನ ತೆಪ್ಪತೀರಿನ ಮೇಲೆ

ಎಪ್ಪತ್ತೇಳು ಕೋಟಿ ನವಿಲ್ಹಿಂಡು । ಕೂತ್ಕೊಂಡು

ಕಪ್ಪ ತುಂಬಿವೊ ಕಳಸಕ್ಕೆ

ಅಣ್ಣ ಮಾದಯ್ಯ ಸಣ್ಣ ತೇರಿನ ಮೇಲೆ

ಹನ್ನೆರಡಿ ಹೆಡೆಯ ಸರ್ಪಾದ । ಹೆಡೆ ಮೇಲೆ

ಅಣ್ಣ ಮಾಜಯ್ಯ ಒರಗ್ಯವರೆ

ಪಟ್ಟೆ ರುಮಾಲ್ಯಾವ  ಐಗಳಿಗೆ ಅಮರೀವೊ

ಬಟ್ಟೋರಿ ಮೇಲೆ ಬರುವೋರು । ಮಾದೇವ್ಗೆ 

ಪಟ್ಟೇರುಮಾಲು ಅಮರೀವೊ

ಮಾದಯ್ಯ ಬರುವಾಗ ಮಾಳೆಲ್ಲ ಘಮ್ಮೆಂದೊ

ಮಾಳದಲ್ಲಿ ಗರಿಕೆ ಚಿಗರೀವೊ । ಮಾದೇವ

ಮೂಡ್ಲಲ್ಲಿ  ಮಳೆ ಸುರಿದಾವೋ

ಅಣ್ಣ ತಮ್ಮ ಕೂಡಿ ನನ್ನ ಗುಡ್ಡಾ ಏರಿ

ಚನ್ನಂಗಿ ಬಿದಿರು ಕಡಿದಾರೊ । ಆವೂರ

ದ್ಯಾವಮ್ನ ತೇರು ಎಳೆದಾರೊ

ಜಾತ್ರೆಗೋಗ್ತಿನಂತ ಜರದ ರುಮಲ ಸುತ್ತಿ

ಮ್ಯಾಲೆ ಸುವರಾದ ಕೊಡಬೇಕು । ಆ ಬಾಲೆ

ಬಂದಿದಾಳೇನೋ ಜಾತ್ರೆಗೆ

ಎಲ್ಲವ್ವ  ಹೋಗುವರು ಎಳ್ಳು ಬೆಲ್ಲಾ ಒಯ್ರೋ 

ಮಲ್ಲಿಗೆ ಒಯ್ರೋ ತುರುಬೀಗೆ । ಪರಸ್ರಾಮ್ನ 

ಬಿಲ್ಲೀಗೆ ಒಯ್ರೋ ಬಿಳಿ ಮುತ್ತು

ಹೋಗುವವನ ಕೈಯಾಗ ಹೊಳೆವ ಎರಡುಂಗುರ

ಹೋಗು ನಿನ್ನ ದಾರಿ ಬಲು ದೂರ । ಆ ವೂರ

ತೇರು ನಿನಗಾಗಿ ತರುಬಯ್ತೋ

ಆಕಾಶದ ಡವ್ಯಾಗ ಧೂಪದ ಹೊಗೆ ಎದ್ದು

ಆಯ್ತು ಮಲ್ಲಯನ ಶಿವಪೂಜೆ । ಆಗಾಗ

ಆಕಾಶದ ಘಂಟೆ ಘಳಲೆಂದು

ನಿದ್ದೆಗಣ್ಣಲ್ಲಿ ಕಂಡೆ ಸುದ್ಧ ಗುರುವಿನ ಪಾದ

ಎದ್ದು ನೋಡಿದರೆ ನಿರಬಯಲು । ಗುರುರಾಯ

ರುದ್ದರನ ಮಹಿಮೆ ತಿಳಿಯದೊ

ಹೊತ್ತು ಮುಳುಗಿದರೇನು ಕತ್ತಲಾದರೇನು

ಅಪ್ಪ ನಿನ್ನ ಗುಡಿಗೆ ಬರುವೆನು । ಮಾದಯ್ಯ

ಮುತ್ತಿನ ಬಾಗಿಲ ತೆರದೀರು