ಥಗ್ ಲೈಫ್ ಮೂಲಕ ಪ್ರೇಕ್ಷಕರ ಮನಸೆಳೆದ ಕಮಲ್ ಹಾಸನ್ ಮಣಿರತ್ನಂ

ಥಗ್ ಲೈಫ್ ಮೂಲಕ ಪ್ರೇಕ್ಷಕರ ಮನಸೆಳೆದ ಕಮಲ್ ಹಾಸನ್ ಮಣಿರತ್ನಂ [Thug Life - Title of Kamal Haasan - Mani Rathnam Movie]

ಕಮಲ್ ಹಾಸನ್ - ಮಣಿರತ್ನಂ ಅಭಿನಯದ 1987 ರ ಚಿತ್ರ 'ನಾಯಗನ್' ದೊಡ್ಡ ಯಶಸ್ಸನ್ನು ಕಂಡಿತು. ಇದರ ಬೆನ್ನಲ್ಲೇ 35 ವರ್ಷಗಳ ಬಳಿಕ ಮೈತ್ರಿಕೂಟ ಮತ್ತೆ ಒಂದಾಗುತ್ತಿದೆ. ಚಿತ್ರಕ್ಕೆ ಎ. ಆರ್. ರೆಹಮಾನ್ ಸಂಗೀತ ಸಂಯೋಜಿಸಿದ್ದಾರೆ. ಈ ಚಿತ್ರವನ್ನು ಉದಯನಿಧಿ ಸ್ಟಾಲಿನ್ ಅವರ ರೆಡ್ ಜೈಂಟ್ ಮೂವೀಸ್, ಕಮಲ್ ಅವರ ರಾಜಕಮಲ್ ಕಂಪನಿ ಮತ್ತು ಮಣಿರತ್ನಂ ಅವರ ಮದ್ರಾಸ್ ಟಾಕೀಸ್ ಕಂಪನಿ ಜಂಟಿಯಾಗಿ ನಿರ್ಮಿಸಿವೆ. 

ಈ ಬಹುತಾರಾಗಣದ ಚಿತ್ರದಲ್ಲಿ ಜಯಂ ರವಿ, ತ್ರಿಶಾ ಮತ್ತು ದುಲ್ಕರ್ ಸಲ್ಮಾನ್ ಕೂಡ ಸೇರಿಕೊಂಡಿದ್ದಾರೆ. ಈ ಹಿಂದೆ ನಟಿ ತ್ರಿಶಾ ಮನ್ಮಧನ್  ಅಂಬು [೨೦೧೦], 2015 ರಲ್ಲಿ ತೂಂಗವನಂ ಚಿತ್ರದಲ್ಲಿ ನಟಿಸಿದ್ದರು. 8 ವರ್ಷಗಳ ನಂತರ ಮತ್ತೆ ಕಮಲ್ ಹಾಸನ್ ಅವರೊಂದಿಗೆ ನಟಿಸಲಿದ್ದಾರೆ. ಜಯಂ ರವಿ ಹಾಗು ದುಲ್ಕರ್ ಸಲ್ಮಾನ್ ಮೊದಲ ಬಾರಿಗೆ ಕಮಲ್ ಜೊತೆ ನಟಿಸಲಿದ್ದಾರೆ ಎಂಬುದು ಗಮನಾರ್ಹ. 

ಇದಕ್ಕೆ ಸಂಕಲನಕಾರ ಶ್ರೀಕರ್ ಪ್ರಸಾದ್, ಛಾಯಾಗ್ರಾಹಕ ರವಿ ಕೆ.ಚಂದ್ರನ್, ಸಂಗೀತ ನಿರ್ದೇಶಕ ಎ. ಆರ್. ರೆಹಮಾನ್ ಕೈ ಜೋಡಿಸಿದ್ದಾರೆ. ಸಾಹಸ ದೃಶ್ಯಗಳನ್ನು ಕೈತಿ , ಕೆ ಜಿ ಫ್, ವಿಕ್ರಂ, ಲಿಯೋ ಖ್ಯಾತಿಯ ನುರಿತ ಸ್ಟಂಟ್ ಮಾಸ್ಟರ್‌ಗಲಾದ 'ಅನ್ಬರೀವ್' ಸಹೋದರರು  ವಿನ್ಯಾಸಗೊಳಿಸಿದ್ದಾರೆ. 

ಈ ಚಿತ್ರದ ಶೀರ್ಷಿಕೆ ಘೋಷಣೆಯ ವಿಡಿಯೋ ಇದೀಗ ಹೊರಬಿದ್ದಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.  ನಾಯಗನ್ ನಂತರ ಮಣಿರತ್ನಂ ಮತ್ತು ಕಮಲ್ ಅವರ ಮುಂಬರುವ ಚಿತ್ರಕ್ಕೆ ಥಗ್ ಲೈಫ್ ಎಂದು ಹೆಸರಿಡಲಾಗಿದೆ. 

ವಿಡಿಯೋದಲ್ಲಿ ಕಮಲ್ ತಮ್ಮನ್ನು 'ರಂಗರಾಯ ಶಕ್ತಿವೇಲ್ ನಾಯಕ್' ಎಂದು ಪರಿಚಯಿಸಿಕೊಂಡಿದ್ದಾರೆ. ಅದರ ನಂತರ, ಅವನು ತನ್ನ ಶತ್ರುಗಳನ್ನು ಜಪಾನೀಸ್ ಮಾರ್ಷಲ್ ಆರ್ಟ್ಸ್‌ನೊಂದಿಗೆ ಬಗ್ಗು ಬಡಿಯುವ ಸಾಹಸ ದೃಶ್ಯಗಳಿವೆ.

ಅವರ ಹೆಸರೇ ಎಲ್ಲರ ಗಮನ ಸೆಳೆದಿದೆ. 'ಶಕ್ತಿವೇಲ್ ನಾಯಕ್' ಹೆಸರೇ 'ನಾಯಕನ್'ನಲ್ಲಿ ಕಮಲ್ ಹೆಸರಾಗಿದೆ. ಚಿತ್ರದಲ್ಲಿ ಅವರ ಮೊಮ್ಮಗನ ಹೆಸರೂ ಇದೆ. ಇದೆಲ್ಲವನ್ನು ಕನೆಕ್ಟ್ ಮಾಡುತ್ತಾ 'ಥಗ್ ಲೈಫ್'ನಲ್ಲಿ ಕಾಣಿಸಿಕೊಳ್ಳುವ ಕಮಲ್ 'ನಾಯಕನ್' ಚಿತ್ರದ ವೇಲು ನಾಯಕ್ ಅವರ ಮೊಮ್ಮಗ ಇರಬಹುದು ಎಂದು ಕೆಲವರು ಸಲಹೆ ನೀಡುತ್ತಿದ್ದಾರೆ. ಇದೇ ರೀತಿ ಸಿನಿಮಾ ಪೂಜೆಯ ಅನೌನ್ಸ್‌ಮೆಂಟ್ ವಿಡಿಯೋದಲ್ಲಿ ‘ನಾಯಗನ್’ ಚಿತ್ರವೂ ಇರಲಿದೆ. ಆ ಚಿತ್ರದಿಂದ ವೀಡಿಯೋ ಪ್ರಾರಂಭವಾಗುತ್ತದೆ.

ಇವೆಲ್ಲವನ್ನೂ ನೋಡಿದಾಗ ‘ನಾಯಗನ್’ನ ಯೂನಿವರ್ಸ್ ನಲ್ಲಿ ಈ ಚಿತ್ರವೂ ಸೇರಿಕೊಳ್ಳಬಹುದು ಎನಿಸುತ್ತದೆ. ಈ ಪ್ರೋಮೋದಲ್ಲಿ ಕಮಲ್ ಅವರ ಹೆಸರನ್ನು ಎರಡು ಬಾರಿ ಒತ್ತಿ ಹೇಳುವುದರಿಂದ ಈ ಚಿತ್ರ ನಾಯಗನ್ ಯೂನಿವರ್ಸ್ ನಲ್ಲಿ ಇರುವ ಅವಕಾಶಗಳು ಇರಬಹುದು ಎಂಬುದು ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡಿಂಗ್ ಆಗಿದೆ.